Ҳаммага бирдек ёқадиган «шуба» салатининг батафсил рецепти

«Шуба» салатини турли усулларда тайёрлаш мумкин, унга ўзингизга ёққан сабзавотларни қўшсангиз ҳам бўлади. Салат янада мазали таъмга эга бўлиши учун пиёзни тузланган маҳсулотлар билан алмаштириш тавсия этилади.

• селд балиғи — 1 дона
• пиёз — 1 дона
• сирка — 1 қошиқ
• шакар — 1 ош қошиқ
• ўсимлик ёғи — 1 қошиқ
• қайнатилган лавлаги — 2 дона (250-300 г)
• қайнатилган картошка — 2 дона (200 г)
• қайнатилган сабзи — 1 дона (150-170 г)
• майонез — таъбга кўра

1. Пиёзни майдалаб, биринчи сирка, сўнгра шакар ва ўсимлик мойи билан аралаштиринг ва 10 дақиқага қолдиринг.
2. Биринчи қатлам: қайнатилган картошкани катта тишли қирғичдан ўтказинг ва идишга солинг, устидан майонез суртинг.
3. Иккинчи қатлам: селд балиғини куб шаклида кесиб олинг.
4. Учинчи қатлам: тузланган пиёзни ҳам идишга солиб устига майонез суртинг.
5. Тўртинчи қатлам: қайнатилган сабзини ҳам катта тишли қирғичдан ўтказинг ва устига майонез солинг.
6. Бешинчи қатлам: қайнатилган лавлагини қирғичдан ўтказинг ва унинг ҳам устига майонезни суртиб чиқинг. Салатнинг устига ўзингизга ёққан кўкатларни қўшиб дастурхонга тортинг.

Ёқимли иштаҳа!

Мавзуга доир:

• Оқ шоколад ва қаймоқдан хуштаъм мусс тайёрлаймиз.
• Оддий ва осон тайёрланадиган шоколадли «Каштан» ширинлиги рецепти.
• Бир зумда тайёр бўладиган олмали пирог рецепти.
• Мазали нонушта: Печда пишириладиган гилосли запеканка ва картошкали тортиля рецепти.