Қийма ва қўзиқориндан мазали рулет тайёрлаймиз

Қийма ва қовурилган қўзиқориндан тайёрланадиган ушбу таомни тушликда истеъмол қилишингиз ёки байрам дастурхонларига қўйишингиз мумкин. Рулетга ўзингизга ёққан кўкатларни қўшсангиз ҳам бўлади.

Керакли масаллиқлар: 

• қўзиқорин — 350 г
• пиёз — 2 дона
• ўсимлик ёғи — 2 қошиқ ва мойлаш учун
• туз — таъбга кўра
• мурч — таъбга кўра
• қийма — 600-650 г
• тухум — 2 дона
• қийма учун зираворлар — таъбга кўра

1. Пиёз ва қўзиқоринларни ўртача бўлакларга бўлиб олинг.
2. Ўсимлик ёғини идишда ўртача оловда қиздириб олинг. Пиёзни 4-5 дақиқа давомида қовуринг.
3. Қўзиқоринларни қўшинг ва уни ҳам тахминан 4-5 дақиқа давомида пишириб олинг. Масаллиқларга туз ва мурч қўшинг.
4. Қиймани тухум, туз, мурч ва зираворлар билан аралаштиринг.
5. Қиймани яхшилаб аралаштиринг ва уни бир неча дақиқа столга қўйинг.
6. Плёнкани столга ёйиб, устига қийма гўштни тенг равишда тақсимланг. Қалинлиги бир сантиметрдан ошмайдиган тўртбурчак шаклидаги қиймаларни ҳосил қилинг.
7. Қўзиқоринли начинкани қийманинг устига солинг, бир томондан бироз букланг.
8. Секин қиймани ўранг, уни плёнка билан кўтаринг, сўнгра плёнкани олиб ташланг.
9. Рулонни мойланган қолипга солинг. Вилка билан бир нечта тешиклар очинг. Рулетнинг  устига аралаштирилган тухумни суртинг.

Мавзуга доир:

• Мол гўшти, нўхат ва сабзи қўшиб тайёрланадиган мазали салат рецепти.
• Товуқ гўштли, олмали: Оливье салатининг 4 хил ноодатий рецепти.
• Ясмиқ қўшиб туркча қовоқли шўрва тайёрлаймиз.
• Танадаги ёғларни эритишга ёрдам берадиган 4 хил мазали шўрва рецепти.