Hammaga birdek yoqadigan “shuba” salatining batafsil retsepti

“Shuba” salatini turli usullarda tayyorlash mumkin, unga o‘zingizga yoqqan sabzavotlarni qo‘shsangiz ham bo‘ladi. Salat yanada mazali ta’mga ega bo‘lishi uchun piyozni tuzlangan mahsulotlar bilan almashtirish tavsiya etiladi.

• seld balig‘i — 1 dona
• piyoz — 1 dona
• sirka — 1 qoshiq
• shakar — 1 osh qoshiq
• o‘simlik yog‘i — 1 qoshiq
• qaynatilgan lavlagi — 2 dona (250-300 g)
• qaynatilgan kartoshka — 2 dona (200 g)
• qaynatilgan sabzi — 1 dona (150-170 g)
• mayonez — ta’bga ko‘ra

1. Piyozni maydalab, birinchi sirka, so‘ngra shakar va o‘simlik moyi bilan aralashtiring va 10 daqiqaga qoldiring.
2. Birinchi qatlam: qaynatilgan kartoshkani katta tishli qirg‘ichdan o‘tkazing va idishga soling, ustidan mayonez surting.
3. Ikkinchi qatlam: seld balig‘ini kub shaklida kesib oling.
4. Uchinchi qatlam: tuzlangan piyozni ham idishga solib ustiga mayonez surting.
5. To‘rtinchi qatlam: qaynatilgan sabzini ham katta tishli qirg‘ichdan o‘tkazing va ustiga mayonez soling.
6. Beshinchi qatlam: qaynatilgan lavlagini qirg‘ichdan o‘tkazing va uning ham ustiga mayonezni surtib chiqing. Salatning ustiga o‘zingizga yoqqan ko‘katlarni qo‘shib dasturxonga torting.

Yoqimli ishtaha!

Mavzuga doir:

• Oq shokolad va qaymoqdan xushta’m muss tayyorlaymiz.
• Oddiy va oson tayyorlanadigan shokoladli “Kashtan” shirinligi retsepti.
• Bir zumda tayyor bo‘ladigan olmali pirog retsepti.
• Mazali nonushta: Pechda pishiriladigan gilosli zapekanka va kartoshkali tortilya retsepti.