Товуқ гўшти, исмалоқ ва пишлоқ қўшиб тайёрланадиган егулик рецепти

Исмалоқ ва пишлоқ қўшиб тайёрланадиган товуқ гўштли егулик мазали таъмга эга. Унга ўзингизга ёққан кўкатларни қўшсангиз ҳам бўлади.

Керакли масаллиқлар: 

• ўсимлик ёғи — 1 қошиқ ва мойлаш учун 
• сариёғ — 1 қошиқ
• музлатилган исмалоқ — 200 г
• туз — таъбга кўра
• рикотта — 2-3 қошиқ
• қаттиқ пишлоқ — 70-80 г
• товуқ филеси — 2 дона
• мурч — таъбга кўра

1. Ўсимлик ёғини ўртача оловда қиздирилган идишга солинг. Исмалоқ қўшинг ва намлик буғланиб кетгунча пиширинг.
2. Бироз туз қўшинг ва совутиб риккота билан аралаштиринг.
3. Қаттиқ пишлоқни катта тишли қирғичдан ўтказинг.
4. Товуқ филесида бир нечта чуқур кўндаланг кесмалар ҳосил қилинг. Унга туз ва мурч сепинг. Ичини исмалоқ ва рикотта билан тўлдиринг.
5. Товуқ филесини мойланган идишга жойлаштиринг. Устига майдаланган пишлоқ сепинг.
6. Егуликни печда тахминан 25-30 дақиқа давомида 190 даража ҳароратда пиширинг.

Мавзуга доир:

• Мол гўшти, нўхат ва сабзи қўшиб тайёрланадиган мазали салат рецепти.
• Товуқ гўштли, олмали: Оливье салатининг 4 хил ноодатий рецепти.
• Ясмиқ қўшиб туркча қовоқли шўрва тайёрлаймиз.
• Танадаги ёғларни эритишга ёрдам берадиган 4 хил мазали шўрва рецепти.