Қўй гўштидан тайёрланадиган таомга саримсоқ ва ўзингизга ёққан сабазавотларни қўшинг. Ушбу таомни байрам дастурхонига қўйса бўлади. Таомни турли хил кўкатлар билан безатишингиз мумкин.
Маринадлаш учун керакли масаллиқлар:
- саримсоқ — 15 донача
- лимон — 2 дона
- зайтун ёғи — 125 мл
- қуритилган орегано — 1 қошиқ
- қуритилган ялпиз — 2 қошиқ
- паприка — 1 қошиқ
- майдаланган мускат ёнғоғи — ярим қошиқ
- суякли қўй оёғи — 1 800-2 200 гр
- туз — таъбга кўра
- мурч — таъбга кўра
- зайтун ёғи — 1 қошиқ
- саримсоқ — 5 донача
- картошка — 1 300 гр
- пиёз — 1 дона
- паприка — 1 қошиқ
- қуритилган саримсоқ — 1 қошиқ
- сув — 500 мл
- Маринадни тайёрланг. Саримсоқни тозаланг ва майдалаб олинг. Лимоннинг шарбатини сиқиб олинг. Блендердан фойдаланиб, саримсоқ, лимон шарбати, зайтун ёғи, орегано, ялпиз, паприка ва мускат ёнғоғини аралаштиринг.
- Печни 250 даража ҳароратда олдиндан қиздиринг ёки грил режимини ёқинг. Қўзичоқ гўштининг ортиқча ёғини кесиб олинг ва унда 7-10 чуқур тешик очинг. Гўштга туз ва мурч қўшинг. Гўштни пиширишдан 1-2 соат олдин музлатгичдан олинг, шунда у бир текис пишади.
- Қўй гўштини панжарали пишириш варағига қўйинг. Сўнгра қизаргунча 5-7 дақиқа давомида пиширинг, кейин айлантиринг ва бошқа томонларини ҳам пишириб олинг.
- Гўштни печдан олинг ва ҳароратни 160 даражага туширинг.
- Саримсоқни тозаланг ва майдаланг. Картошка ва пиёзни ҳам тозаланг, катта бўлакларга бўлинг ва туз, паприка ва қуритилган саримсоқ билан аралаштиринг.
- Бироз совутилган гўштни тўғралган саримсоқ ва туз билан аралаштиринг. Худди шу пишириш варағини печнинг ўртасига қўйинг ва панжара устига қўзичоқнинг бир оёғини қўйинг, картошка ва пиёзни ён томонларга ёйинг. Ҳар бир маҳсулотни фольга билан ёпинг.
- Идишга сув қуйинг. Қўй гўштини 1 соат давомида пиширинг, сўнгра фольгани олиб ташланг ва қизаргунга қадар яна 15-20 дақиқа пиширинг.
- Қўй гўштини дастурхонга тортишдан олдин 10-15 дақиқа совутиб олинг.
Мавзуга доир:
Изоҳ (0)