Колбаса ва моцарелла пишлоғидан тайёрланадиган атиргул кўринишидаги безакларни Янги йил дастурхонига қўйиш мумкин. Уни ўзингизга ёққан кўкатлар билан безацангиз ҳам бўлади.
Ҳеч бир байрам колбасасиз ўтмайди. У пишлоқ билан бирга дастурхонга тортилади. Пишлоқ ва колбасани идишга кесиб, қўйишдан осон иш йўқ. Бироқ дастурхонни иштаҳа очувчи кўринишда безатишни истасангиз, колбаса ва пишлоқ ёрдамида атиргул кўринишидаги безакларни тайёрлаб кўринг.
Безакка қўшимча равишда райҳон баргларини қўшишингиз мумкин, моцарелла эса пишлоқнинг енгил, тўйимли навларидан бири ҳисобланади. Колбасани дудланган мол гўшти билан ҳам алмаштирса бўлади.
Керакли масаллиқлар:
- колбаса ёки дудланган мол гўшти
- моцарелла пишлоғи
- исмалоқ ёки райҳон барглари
- узун, ингичка таёқчалар
- Битта безакни тайёрлаш учун сизга тўртта юпқа колбаса бўлаги керак бўлади. Бўлакларни битта жойга қўйиб, тенглаштириб олинг.
- Колбаса бўлакларини эҳтиёткорлик билан ўранг — бунинг натижасида улар атиргул куртакларига ўхшаш кўринишга келади.
- Ўрамларни олинг ва ёнига райҳон баргларини қўйиб узун, юпқа таёқчага ўртасидан киргизинг. Таъбингизга кўра райҳон баргларини қўшинг.
- Охирида атиргул шаклидаги колбасанинг олдига моцарелла пишлоғини қўшинг. Композицияда ҳар қандай навли пишлоқдан фойдаланишингиз мумкин, бироқ моцарелла пишлоғи безакка чиройли кўринишни тақдим этади.
Изоҳ (0)