Украина Бош разведка бошқармаси бошлиғи Кирилл Буданов уруш Россия президенти Владимир Путин вафот этишидан олдин тугашини прогноз қилди. Разведка раҳбари ABC News телеканалига берган интервьюсида бу ҳақда гапирди.
Украина ҳарбий разведкаси Владимир Путин саратон касаллигига чалинганига ишонч билдирмоқда. «Албатта, у саратонга чалинган. Узоқ вақтдан бери касал», — деган Буданов журналистнинг Путин касалми, деган саволига жавобан.
Россия президентининг касаллиги ҳақида гапирар экан, разведкачи бу саратон хасталиги эканини таъкидлади.
«Россия раҳбарига яқин манбалар, одамлардан бу ҳақда билганмиз», — деди у.
Журналистнинг Путин қачон вафот этиши ҳақидаги саволига Кирилл Буданов қуйидагича жавоб берган:
«Тез орада юз беради деб ўйлайман. Умид қиламан», — деган ва уруш Путиннинг ўлимидан олдин тугашига аминлигини айтган.
Аввалроқ Украина президенти Владимир Зеленский уруш Россия етакчиси Владимир Путиннинг эҳтимолий ўлимидан кейин тугашини прогноз қилганди. У уруш Путиннинг касаллик ёки бахтсиз ҳодиса оқибатида вафот этишидан кейин тугаши мумкинлиги, чунки унинг режими авторитар экани, бунда кўп нарса бир кишига боғлиқлигини айтган.
Мавзуга доир:
- Путин Украинага қарши урушни гормонал дорилар таъсирида бошлаган бўлиши мумкин — Дания разведкаси
- Путиннинг йўғон ичагини шошилинч операция қилиш керак — Daily Star
- Путин Паркинсон касаллигидан азият чекмоқда, у аллақачон 8 килога озган — Express
- Путин расмий қароргоҳида зинадан йиқилиб тушгани айтилмоқда
Изоҳ (0)