Россия босиб олинган ҳудудларни сақлаб қолиш учун Қрим шимолига янги ҳарбий қисмлар жойлаштирмоқда. Бу ҳақда Украина Мудофаа вазирлиги разведка бошқармаси хабар берди.
Украина разведкаси бошқармаси вакили Андрей Чернякнинг сўзларига кўра, Россия Қрим йўналишидаги қуруқлик йўлагини сақлаб қолиш учун барча саъй-ҳаракатларини амалга оширмоқда.
«Россиянинг Азов денгизи соҳилидаги Донецк вилоятини эгаллаш ғояси ҳам айнан шундан иборат. Уларнинг режасига Украинани Қора денгиздан узиб қўйиш ҳам киритилганди. Аммо Россия Украинада ҳеч қандай режаларини амалга ошира олмади. Хорижий ҳамкорларимиз бизга янги турдаги қуроллар етказиб бераётганини ҳисобга олсак, Қримга қуруқлик йўлаги деб аталадиган йўл, албатта, хавфсиз эмас. Украина босиб олинган ҳудудда русларнинг ҳамма позицияларига зарба беради», — деди Черняк.
У Россия ҳарбийлари Қрим шимолида янги ҳарбий қисмларни тўплаётганини қўшимча қилди. Россия вақтинча босиб олинган ярим оролнинг шимолида ҳам, вақтинча босиб олинган Херсон вилоятида ҳам мудофаа иншоотларини қуришда давом этмоқа.
«Россия ютқазмоқда, шунинг учун бу линияларда ҳарбий амалиётлар ўтказишга мажбур бўлишларини англаб, имкони борича ҳимоя тузилмаларини яратмоқдалар», — дея хулоса қилди Андрей Черняк.
Мавзуга доир: Россия Қримга ядровий қурол ташувчиларини жойлаштирди — Украина разведкаси
Изоҳ (0)