Baykar компанияси директорлар кенгаши раиси, Туркия президенти Ражаб Тоййиб Эрдўғоннинг куёви Селчук Bayraktar Туркия дронлари ҳақида баёнот берди. Бу ҳақда SonDakika хабар берди.
Селчук Bayraktar агар Baykar дронларига эга давлатлар Туркияга уруш эълон қилса, нима бўлиши ҳақидаги саволга жавоб берган.
«Юқори технологияли қурилмаларда илғор дастурий таъминот мавжуд. Ушбу дастурий таъминотни ишлаб чиқарувчи мамлакат қурилмаларда устунликка эга бўлади», — деди у ва бутун дунё Туркия томонидан ишлаб чиқилган дронларни кўрганида, жанговар парадигма ўзгаришини айтган.
«Албатта, дронлар сотиладиган мамлакатлар билан яқин алоқа бўлиб, уларнинг Туркияга уруш эълон қилиш эҳтимоли йўқ. Бундан ташқари, дронлар юқори технологияли қурилмалар бўлиб, дастурий таъминот билан жиҳозланган. Ушбу технологияни ишлаб чиқувчи мамлакатгина дастурий таъминотда устунлик қилади. Аммо бу шуни англатадики, Туркия дронлар сотадиган давлатлар билан аллақачон стратегик иттифоққа эга», — дейди Селчук Bayraktar.
Шунингдек, у Baykar компаниясининг хакерларга қарши кўраётган чоралари ҳақида ҳам маълумот берган.
«Албатта, ахборот хавфсизлиги билан боғлиқ махсус чораларимиз бор. Ҳозирги даврда ҳукумат ҳам хакерлик ҳужумига учрамоқда. Буларнинг барчасига қарши махсус чоралар кўряпмиз, бу пойгадир», — дейди у.
Мавзуга доир:
Изоҳ (0)