Ўзбекистонда 2022 йилда фойдаланилган солиқ имтиёзлари миқдори 64,1 трлн сўмни ташкил этди. Бу ҳақда Давлат солиқ хизмати хабар бермоқда.
2022 йил 21 декабрь ҳолатига, 110 мингдан ортиқ ташкилот 64,1 трлн сўм миқдорида солиқ имтиёзларидан (ҚҚСнинг нол ставкасини ҳисобга олган ҳолда) фойдаланган.
Энг кўп солиқ имтиёзлари Тошкент шаҳрига берилган — 8,97 трлн сўм. Бу борада кейинги ўринларда Тошкент (2,4 трлн сўм) ва Фарғона (1,8 трлн сўм) вилоятлари бормоқда.
Норматив ҳужжатларга мувофиқ фойдаланилган солиқ имтиёз суммалари:
- Солиқ кодексига асосан — 58,6 трлн сўм;
- Президент фармонларига асосан — 1,7 трлн сўм;
- Президент қарорларига асосан — 1,8 трлн сўм;
- Вазирлар Маҳкамасининг қарорларига асосан — 1,1 трлн сўм;
- Қонун ва бошқа меъёрий ҳужжатларга асосан — 0,9 трлн сўм.
Солиқ тўловчилар қўллаган солиқ имтиёзлари тўғрисидаги батафсил маълумотлар ДСҚ томонидан ҳар чоракда Очиқ маълумотлар порталида эълон қилиб борилади.
Мавзуга доир:
Изоҳ (0)