Марказий банк ижтимоий тармоқлар ва ОАВларда «Туркистонбанк» ҳамда Hi-Tech Bank хусусий банкларининг банк фаолиятини амалга оширувчи лицензияси қайтариб берилиши юзасидан тарқатилаётган хабарларга муносабат билдирди.
2022 йилнинг 7 октябрида Марказий банк «Туркистонбанк» ва Hi-Tech Bank’дан лицензияларини қайтариб олганди ва мазкур банкларни тугатиш комиссияси тузилганди.
Таъкидланишича, Hi-Tech Bank хусусий банки томонидан қонунчиликка мувофиқ ҳар қандай манфаатдор шахс судга мурожаат этиш ҳуқуқидан фойдаланган ҳолда Марказий банк қарори юзасидан судга мурожаат қилинган.
Hi-Tech Bank хусусий банкининг Марказий банк қарори юзасидан судга мурожаати процессуал қонунчилик асосида кўриб чиқилиши мумкин.
Аввалроқ «Туркистонбанк» омонатчиларининг маблағлари муддатидан аввал қайтарилиши ҳақида хабар берилган эди.
Изоҳ (0)