Apple учинчи ўринда: Ўзбекистонда 2022 йилда технологик компаниялар қанча солиқ тўлаган?

Ўзбекистонда электрон хизматлар кўрсатувчи хорижий компаниялар 44,8 млрд сўм солиқ тўлаган. 

2022 йил 1 декабрь ҳолатига кўра, Ўзбекистонда электрон хизматлар кўрсатувчи 40 та хорижий компания рўйхатга олинган. Сўнгги икки йил ичида уларнинг сони икки бараварга кўпайган. 

Жорий йилнинг ўн бир ойи давомида мазкур хорижий компаниялар томонидан 44,8 млрд сўм солиқ тўланган. 

Бу ўтган йилга нисбатан икки баробар кўпроқ. Бунда тўланган солиқларнинг 98 фоизи электрон хизматлар кўрсатувчи 10 та хорижий компания ҳиссасига тўғри келади. 

Facebook ва Instagram’нинг бош компанияси бўлган — Меtа жорий йилнинг ўн бир ойида 18,6 млрд сўм солиқ тўлаган. Компания томонидан 07 млрд сўмлик хизматлар ҳажми амалга оширилган.

Бу борада иккинчи ўринда Google (14,8 млрд сўм) бораётган бўлса, Apple (6,3 млрд сўм) учинчи ўринни эгаллаган.