Apple uchinchi o‘rinda: O‘zbekistonda 2022-yilda texnologik kompaniyalar qancha soliq to‘lagan?

O‘zbekistonda elektron xizmatlar ko‘rsatuvchi xorijiy kompaniyalar 44,8 mlrd so‘m soliq to‘lagan. 

2022-yil 1-dekabr holatiga ko‘ra, O‘zbekistonda elektron xizmatlar ko‘rsatuvchi 40 ta xorijiy kompaniya ro‘yxatga olingan. So‘nggi ikki yil ichida ularning soni ikki baravarga ko‘paygan. 

Joriy yilning o‘n bir oyi davomida mazkur xorijiy kompaniyalar tomonidan 44,8 mlrd so‘m soliq to‘langan. 

Bu o‘tgan yilga nisbatan ikki barobar ko‘proq. Bunda to‘langan soliqlarning 98 foizi elektron xizmatlar ko‘rsatuvchi 10 ta xorijiy kompaniya hissasiga to‘g‘ri keladi. 

Facebook va Instagram’ning bosh kompaniyasi bo‘lgan — Meta joriy yilning o‘n bir oyida 18,6 mlrd so‘m soliq to‘lagan. Kompaniya tomonidan 07 mlrd so‘mlik xizmatlar hajmi amalga oshirilgan.

Bu borada ikkinchi o‘rinda Google (14,8 mlrd so‘m) borayotgan bo‘lsa, Apple (6,3 mlrd so‘m) uchinchi o‘rinni egallagan.