Россияда «Вкусно — и точка» тармоғига эгалик қилувчи «Система ПБО» МЧЖ Ўзбекистонда иккита савдо белгисини рўйхатдан ўтказиш учун ариза берди, деб ёзади «Коммерсантъ».
Ўзбекистон Адлия вазирлиги маълумотлар базасида ариза 28 декабрь куни пайдо бўлган. Компания иккита — «Мазали ва нуқта» ва «Лаззатли ва нуқта» савдо белгиларини рўйхатдан ўтказмоқчи бўлган, уларнинг иккаласи ҳам «Вкусно — и точка» деб таржима қилинади.
Spot ёзишича, тегишли ёзувлар Интеллектуал мулк департаменти маълумотлар базасида 28 декабрь куни 20227184 ва 20227186 рақамлари остида рўйхатдан ўтказилган. Компания бир вақтнинг ўзида барча тоифалар бўйича аризаларни топширган.
McDonald’s тармоғи май ойида Россия бозорини тарк этишини эълон қилганди. Компания активларини тадбиркор Александр Говор сотиб олди, у Сибирда 25 та McDonald’s ресторанларини бошқариб келган. Тармоқ Россияда «Вкусно — и точка» деб қайта номланди, унинг илк ресторанлари 12 июнь куни очилди.
Аввалроқ Россиянинг «Вкусно — и точка» ресторанлар тармоғи ўз брендини Ўзбекистон, МДҲ мамлакатлари, шунингдек, McDonald’s мавжуд бўлмаган бошқа хорижий мамлакатлар бозорига чиқариш имкониятини кўриб чиқаётгани хабар берилган эди.
Изоҳ (0)