Беларусь президенти Александр Лукашенконинг айтишича, республикага қарши агрессия бошланиши мумкинлигини инкор этиб бўлмайди.
«Мамлакатимизга қарши тажовуз уюштирилиши мумкинлигини инкор эта олмаймиз. Камида қўшниларимиз томонидан бунга тайёргарликни кўрмоқдамиз. Буларнинг ортида ким турганини биламиз... айнан мана шу қўшнилар бизнинг чегараларимизда кескинликни келтириб чиқармоқда» — деди Лукашенко 22 декабрь куни Минскда хавфсизлик кучлари билан учрашувда.
Лукашенко шу муносабат билан аввалроқ ҳар қандай ҳужумга тезкор жавоб кучлари шайлигини текширишга қарор қилганини эслатди. «Бизнинг армияда тезкор жавоб кучлари деб аталадиган куч бор. Агар кутилмаганда нимадир содир бўлса, бу кучлар маълум вақтда огоҳлантирилади ва кескинлик мавжуд бўлган нуқтага юборилади. Мен ушбу тезкор жавоб кучларини текширувдан ўтказишга қарор қилдим», — дея тушунтирди Лукашенко.
Изоҳ (0)