Belarus prezidenti Aleksandr Lukashenko g‘arb yoki janubdan hujum sodir bo‘lgan taqdirda Minsk Rossiya bilan birgalikda kuchli javob qaytarishini aytdi.
“Agar to‘satdan kimdir bizga hujum qilsa, qanday javob berishimizni tasavvur qila olmaysiz”, — deya ogohlantirdi Lukashenko. Uning so‘zlariga ko‘ra, bu holatda hech kim “iflos yoki toza bomba muammosini muhokama qilib o‘tirmaydi”.
“Biz shunday javob beramizki, nafaqat Yevropa titrab ketadi. Rossiya bilan kelishuvlarga muvofiq, bu bizning qurolli kuchlarimiz qo‘shma guruhidan bo‘ladi”, — deya tushuntirdi u.
Shu bilan birga, Belarus rahbari Amerika OAVlarining Belarus armiyasi yaqinda Ukrainaga bostirib kirishi haqidagi xabarlarini ahmoqlik deb atadi.
Avvalroq Aleksandr Lukashenko KXSHTni G‘arbning tashkilot tarkibiga kiruvchi davlatlarga qaratilgan axborot-psixologik operatsiyalariga samarali javob berishga chaqirgan edi. U bunday operatsiyalarni harbiy operatsiyaga qiyoslab, bunga tayyor turish kerakligini qo‘shimcha qildi.
Izoh (0)