Украина ташқи ишлар вазири Дмитрий Кулеба Россия президенти Владимир Путин ва Беларусь раҳбари Александр Лукашенко ўртасида 19 декабрь куни бўлиб ўтган учрашувни изоҳлади.
Кулебанинг сўзларига кўра, Путин ва Лукашенко учрашуви уларнинг ижросидаги навбатдаги рақс ҳисобланади.
«Бизда мавжуд маълумотларга кўра, учрашувда ҳеч қандай танқидий қарорлар қабул қилинмаган. Путин Лукашенкони Россия қуролли кучлари фаолиятини максимал даражада тарғиб қилишга кўндиришда давом этмоқда. Аслида Беларуснинг бир қатор ҳарбий инфратузилма объектлари ва умуман ҳарбий инфратузилмасининг маълум бир қисми Россия назорати остида. Беларусь ҳарбийлари аслида бу жараёнларга аралашишдан четлаштирилган», — деди Кулеба онлайн суҳбат чоғида.
Шу билан бирга, ТИВ раҳбари учрашувда ҳеч қандай «драматик воқеа» содир бўлмаганини айтиб, яқин орада Путин ва Лукашенконинг яна бир учрашуви режалаштирилганини қўшимча қилди.
«Нима бўлишидан қатъий назар, ҳаётий тажрибамиз бор, шу учун ҳар қандай сценарийга тайёрмиз. Улар ўзлари нима ҳақиқда келишиб олишганидан қатъий назар, Украина бунга тайёр", - деди Кулеба.
Путин ва Лукашенко 19 декабрда Беларусда учрашди
19 декабрь куни Минскда Лукашенко ва Путин ўртасида учрашув бўлиб ўтди. Миллий хавфсизлик ва мудофаа кенгаши котиби Алексей Даниловнинг фикрича, Путин Минскка ташрифи чоғида Лукашенкога Беларусь қўшинларини Украинага қарши урушга жўнатиш учун босим ўтказган. Урушни ўрганиш институти (ISW) Лукашенко Россия президентининг таклифига рози бўлмаганини илгари сурди.
Изоҳ (0)