«Lisa.ru» нашри товада пишириш мумкин бўлган 4 хил хамирли егулик рецепти билан бўлишди.
Хачапури
Керакли маҳсулотлар:
- ун — 3 ош қошиқ;
- сметана — 30 мл;
- тухум — 1 дона;
- ўсимлик ёғи — 2 ош қошиқ;
- қаттиқ пишлоқ — 100 грамм;
- қабартма — ½ чой қошиқ;
- туз.
Алоҳида идишда тухум ва туз аралаштирилади, пишлоқ қирғичдан ўтказилади.Тухум-пишлоқ массасига сметана қўшилади, яхшилаб аралаштирилади.Эланган ун қабартма билан аралаштирилади, ёпишқоқ хамир қорилади. Товада ўсимлик ёғи қиздирилади, хамир қуйилиб, қошиқ билан текисланади.Хамир ўртасига начинка солиниб, усти ёпилади ва олтин жигарранг бўлгунча ўртача оловда пиширилади.
Карамли пирог
Керакли маҳсулотлар:
- оқ карам — 150 грамм;
- сут — 100 мл;
- сметана — 120 мл;
- ун — 150 грамм;
- тухум — 2 дона;
- шакар — 1 чой қошиқ;
- зайтун ёғи — 1 чой қошиқ;
- туз, кунжут.
Карам барглари сомонча шаклида тўғралади. Туз билан аралаштирилади, қўллар билан яхшилаб эзилади. Алоҳида идишда тухум, туз ва шакар билан аралаштирилади. Тухум массасига сметана ва сут қуйилади, кўпиргунча аралаштирилади. Ун элакдан ўтказилади ва аста-секин суюқ массага қўшилади.Зайтун ёғи товада қиздирилади, хамирнинг ярмига начинка солинади. Қолган хамир начинка устига ёпилади. 20 дақиқа давомида паст оловда пиширилади. Сўнгра иккинчи томони ўгирилиб, яна 20 дақиқа давомида пиширилади. Устига кунжут сепилади.
Товада пишириладиган торт
Керакли маҳсулотлар:
- хамир учун ун — 3 ош қошиқ;
- қаймоқ учун ун — 3 ош қошиқ;
- қуюлтирилган сут — 1 банка;
- тухум — 3 дона;
- қабартма — 1 чой қошиқ;
- сут — 750 мл;
- сариёғ — 200 грамм;
- шакар — 1,5 стакан;
- ваниль — 10 грамм.
Ун элакдан ўтказилади, битта тухум, қуюлтирилган сут ва пишириш кукуни қўшилади. Хамирни 10 дақиқа давомида тиндирилади ва 8 та тенг қисмга бўлинади. Това қиздирилади, думалоқ шаклда ёйилган ҳар бир хамир ёғсиз қовуриб олинади. Крем учун сут, шакар, тухум, ваниль билан ун яхшилаб аралаштирилади ва қуюқлашгунча пишириб олинади. Сариёғ эритилиб, яна 2 дақиқа қайнатиб олинади. Ҳар бир пиширилган хамирга илиқ крем суртилади, бир-бирининг устига териб чиқилади. 2-3 соат давомида музлаткичда қолдирилади. Сўнгра торт юзаси таъбга кўра безатилади.
Олмали пирог
Керакли маҳсулотлар:
- ун — 250 грамм;
- шакар — 150 грамм;
- тухум — 4 дона;
- қабартма — 10 грамм;
- ваниль — 10 грамм;
- ўсимлик ёғи — 100 мл;
- олма — 200 грамм;
- мак — 25 грамм.
Тухум шакар билан яхшилаб аралаштирилади. Унга ўсимлик ёғи, ун ва ваниль шакар қўшилади. Олма ингичка бўлакларга бўлинади. Хамирга олма ва мак қўшиб, яхшилаб аралаштирилади. Това қиздирилиб, устига пергамент солинади ва ёғ суртилади. Хамир товага солиниб, қопқоғи ёпилади ва 40 дақиқа давомида пиширилади. Пирог тайёр бўлгач, шакар упаси сепилади.
Изоҳ (0)