“Lisa.ru” nashri tovada pishirish mumkin bo‘lgan 4 xil xamirli yegulik retsepti bilan bo‘lishdi.
Xachapuri
Kerakli mahsulotlar:
- un — 3 osh qoshiq;
- smetana — 30 ml;
- tuxum — 1 dona;
- o‘simlik yog‘i — 2 osh qoshiq;
- qattiq pishloq — 100 gramm;
- qabartma — ½ choy qoshiq;
- tuz.
Alohida idishda tuxum va tuz aralashtiriladi, pishloq qirg‘ichdan o‘tkaziladi.Tuxum-pishloq massasiga smetana qo‘shiladi, yaxshilab aralashtiriladi.Elangan un qabartma bilan aralashtiriladi, yopishqoq xamir qoriladi. Tovada o‘simlik yog‘i qizdiriladi, xamir quyilib, qoshiq bilan tekislanadi.Xamir o‘rtasiga nachinka solinib, usti yopiladi va oltin jigarrang bo‘lguncha o‘rtacha olovda pishiriladi.
Karamli pirog
Kerakli mahsulotlar:
- oq karam — 150 gramm;
- sut — 100 ml;
- smetana — 120 ml;
- un — 150 gramm;
- tuxum — 2 dona;
- shakar — 1 choy qoshiq;
- zaytun yog‘i — 1 choy qoshiq;
- tuz, kunjut.
Karam barglari somoncha shaklida to‘g‘raladi. Tuz bilan aralashtiriladi, qo‘llar bilan yaxshilab eziladi. Alohida idishda tuxum, tuz va shakar bilan aralashtiriladi. Tuxum massasiga smetana va sut quyiladi, ko‘pirguncha aralashtiriladi. Un elakdan o‘tkaziladi va asta-sekin suyuq massaga qo‘shiladi.Zaytun yog‘i tovada qizdiriladi, xamirning yarmiga nachinka solinadi. Qolgan xamir nachinka ustiga yopiladi. 20 daqiqa davomida past olovda pishiriladi. So‘ngra ikkinchi tomoni o‘girilib, yana 20 daqiqa davomida pishiriladi. Ustiga kunjut sepiladi.
Tovada pishiriladigan tort
Kerakli mahsulotlar:
- xamir uchun un — 3 osh qoshiq;
- qaymoq uchun un — 3 osh qoshiq;
- quyultirilgan sut — 1 banka;
- tuxum — 3 dona;
- qabartma — 1 choy qoshiq;
- sut — 750 ml;
- sariyog‘ — 200 gramm;
- shakar — 1,5 stakan;
- vanil — 10 gramm.
Un elakdan o‘tkaziladi, bitta tuxum, quyultirilgan sut va pishirish kukuni qo‘shiladi. Xamirni 10 daqiqa davomida tindiriladi va 8 ta teng qismga bo‘linadi. Tova qizdiriladi, dumaloq shaklda yoyilgan har bir xamir yog‘siz qovurib olinadi. Krem uchun sut, shakar, tuxum, vanil bilan un yaxshilab aralashtiriladi va quyuqlashguncha pishirib olinadi. Sariyog‘ eritilib, yana 2 daqiqa qaynatib olinadi. Har bir pishirilgan xamirga iliq krem surtiladi, bir-birining ustiga terib chiqiladi. 2-3 soat davomida muzlatkichda qoldiriladi. So‘ngra tort yuzasi ta’bga ko‘ra bezatiladi.
Olmali pirog
Kerakli mahsulotlar:
- un — 250 gramm;
- shakar — 150 gramm;
- tuxum — 4 dona;
- qabartma — 10 gramm;
- vanil — 10 gramm;
- o‘simlik yog‘i — 100 ml;
- olma — 200 gramm;
- mak — 25 gramm.
Tuxum shakar bilan yaxshilab aralashtiriladi. Unga o‘simlik yog‘i, un va vanil shakar qo‘shiladi. Olma ingichka bo‘laklarga bo‘linadi. Xamirga olma va mak qo‘shib, yaxshilab aralashtiriladi. Tova qizdirilib, ustiga pergament solinadi va yog‘ surtiladi. Xamir tovaga solinib, qopqog‘i yopiladi va 40 daqiqa davomida pishiriladi. Pirog tayyor bo‘lgach, shakar upasi sepiladi.
Izoh (0)