Bir zumda tayyor bo‘ladigan olmali pirog retsepti

To‘satdan uyga mehmonlar tashrifi yoki ba’zida shirinlik iste’mol qilish istagi paydo bo‘lganida bir zumda tayyor bo‘ladigan pirog retsepti ayni muddao. Elle nashri bo‘lishgan olmali pirog retsepti uchun yarim soat kifoya, qolaversa, uni tayyorlash oson, mazasi esa barchaga manzur keladi.

Kerakli mahsulotlar:

• olma — 800 gramm;
• un — 400 gramm;
• qaymoq — 400 gramm;
• shakar — 150 gramm;
• vanil — 1 dona;
• qabartma — 1 dona;
• tuxum — 5 dona;
• bodom — 60 gramm;

• shakar — 100 gramm;
• sariyog‘ — 100 gramm;
• vanil suti — 4 osh qoshiq;
• shakar upasi.

1. Olma yaxshilab yuviladi, so‘ngra o‘rtasidan bo‘linib, ingichka yarmi halqa shaklida to‘g‘raladi.
2. Vanil va oddiy shakar aralashtiriladi, qaymoq qo‘shib, yaxshilab ko‘pirtiriladi.
3. Oz-ozdan tuxum qo‘shiladi.
4. So‘ngra un va qabartma qo‘shiladi va xamir bo‘lguncha aralashtiriladi.
5. Vanil suti, shakar va sariyog‘ biroz qaynatib olinadi, bodom bilan aralashtiriladi.
6. Xamir oldindan yog‘ surtilgan qolipga quyiladi va ustidan to‘g‘ralgan olma terib chiqiladi.
7. Pirog 200 daraja qizdirilgan pechda 15 daqiqa davomida pishiriladi. So‘ngra pirog yuzasiga tayyorlangan glazur quyilib, yana 15 daqiqaga pechga qo‘yiladi.
8. Pishganidan so‘ng ustiga shakar upasi sepiladi.