Кўплаб инсонлар салатларни тўғри овқатланиш рационига киритиш мумкин деб ўйлайди. Бироқ баъзи салатлар хавфлилик даражаси бўйича фастфудлар билан рақобатлашиши мумкин. Шунинг учун уларни кам миқдорда истеъмол қилиш, иложи бўлса, умуман емаган маъқул.
Селд балиғи қўшиб тайёрланадиган шуба салати
Қайнатилган сабзи, картошка, лавлаги — бу маҳсулотларнинг барчаси юқори глисемик индексга эга, улар қўшиб истеъмол қилинса, қондаги қанд миқдорини сезиларли даражада ошади. Бу салатни фақатгина катта байрамларда истеъмол қилган маъқул.
Сийдик йўлида ёки буйракда сийдик кислотаси, тош ёки қум, подагра билан оғриган инсонлар селд балиғи солинган шуба салатини умуман истеъмол қилмаслиги керак. Чунки селд балиғида отқулоққа қараганда кўпроқ оксалат кислотаси мавжуд.
Нима қилиш керак?
Салатни тузламанг, чунки селд балиғида туз миқдори етарли бўлади. Кўп миқдорда туз шишишга олиб келиши мумкин. Кунлик калория миқдорини тартибга солмаслик учун бу салатни оз миқдорда истеъмол қилинг.
Краб ва гуруч қўшиб тайёрланадиган салат
Ушбу салатнинг асосий таркибий қисми бўлган гуруч юқори калорияга эга маҳсулотдир. Бошқа томондан, совутилган гуруч ичак микрофлорасининг ишлаши учун фойдали бўлган крахмални кўп миқдорда (меъда ости бези ферментлари томонидан парчаланмайдиган крахмал) ишлаб чиқаради. Уй бекалари салатга углеводлар ва ширин маккажўхори қўшишни яхши кўради.
Краб таёқчалари ҳақида унутманг, уларда бир грамм ҳам қисқичбақа гўшти йўқ, бироқ жуда хушбўй қўшимчаларга эга. Салатга ҳам майонез қўшилади, аммо уни фойдали деб бўлмайди. Шунинг учун мутахассислар рационингизга краб қўшилган салатни киритишни тавсия қилмайди.
Салат фойдали бўлиши учун нима қилиш керак?
Гуручни қайнатишдан олдин, бир стакан сувга бир ош қошиқ олма сиркаси ёки лимон шарбатини қўшиш мумкин. Шундан кейин дон тезроқ пишади ва унинг глисемик индекси, яъни қондаги шакар даражасини ошириш қобилияти пасаяди. Бу маҳсулотларни қўшиш жараёнида фитаз ферменти фаоллашади, бу фитик кислотадан кальций, магний, темирдан фойдали микроэлементлар ва витаминларни чиқаришга ёрдам беради.
«Мимоза» салати
«Мимоза» салатига қайнатилган картошка қўшилса, у янада калорияга бой бўлади. Бироқ совутилган гуручда бўлгани каби, совуқ картошкада ҳам чидамли крахмал ҳосил бўлади. Ҳамма крахмал ҳам фойдали бўлмайди, масалан, совутилган картошка иссиқ картошкага қараганда фойдали.
Бундан ташқари, консерваланган балиқларда ҳам жуда кўп миқдорда туз мавжуд. Агар сизда юрак билан боғлиқ муаммо бўлса, шўр маҳсулотларни истеъмол қилмаслигингиз керак. Консерваланган маҳсулотларни эҳтиёткорлик билан танланг: идиш шикастланмаслиги керак, «иккинчи нав»даги балиқларни харид қилманг, фақатгина ишончли ишлаб чиқарувчиларнинг маҳсулотларини танланг.
Умуман олганда, консерваланган маҳсулотларни ўзингиз билан бирга олиб юришингиз мумкин, бироқ уларни кундалик ҳаётда истеъмол қилмаслигингиз ва мунтазам равишда салатга қўшмаслигингиз керак.
Консерваланган балиқни дудлангани билан алмаштиринг. Картошка, гуручни пиширишдан олдин ювиш керак, бу маҳсулотдаги крахмал миқдорини камайтиради.
Оливье салати
Бу салат таркибида ўта зарарли маҳсулотлар бор, деб бўлмайди, бироқ майонез организмга ортиқча юк, унда таъмни яхшилаш учун ишлатилган турли хил озиқ-овқат қўшимчалари мавжуд. Юқори калорияли колбаса кўплаб озиқ-овқат қўшимчаларини ўз ичига олади, масалан, унда соя, крахмал, табиий бўлмаган маҳсулотлар ва кам миқдорда гўшт бор.
Салат фойдали бўлиши учун нима қилиш керак?
Майонез сметана билан, колбаса эса жуда кам калорияга эга бўлган мол гўшти юраги билан алмаштирилиши мумкин. Бундан ташқари, у Q10 коэнзимига энг бой маҳсулотдир. Q10 — юрак ва митохондриялар, ёғлар ва углеводларни ёқиш жараёнида иштирок этадиган ҳужайралар фаолиятини яхшилайдиган фойдали фермент. Машҳур салатнинг ушбу варианти анча фойдали бўлади.
Юнонча салат
Ушбу салатга фета пишлоғи солинади. Шунинг учун юнонча салат лактоза интолеранси бўлган инсонлар учун тавсия этилмайди. Бундан ташқари, салатга қўшиладиган ўсимлик ёғи калорияларни оширади. Ҳар бир чой қошиқ ўсимлик ёғи 50 калория, бир ош қошиқ ўсимлик ёғи эса 200 калория қўшади.
Салат фойдали бўлиши учун нима қилиш керак?
Агар сиз сут маҳсулотларини ёқтирмасангиз, уларни икки ой давомида рациондан чиқариб ташланг, шундан сўнг уларни оз миқдорда, масалан, ҳафтада бир ёки икки марта истеъмол қилишингиз мумкин. Салатнинг калория миқдорини кўпайтирмаслик учун унга минимал миқдорда ёғ солинг.
Кўп нарса истеъмол қилинган салат миқдорига боғлиқ. Агар оз миқдорда маҳсулотларни ишлацангиз, порциянинг калория таркиби 300-400 калория бўлади.
«Цезарь» салати
Агар ушбу салат учун дўконда сотиладиган классик майонезни олмасангиз ва уни уйда ўзингиз тайёрласангиз, салатни ҳатто парҳез менюсига ҳам киритиш мумкин.
Салат фойдали бўлиши учун нима қилиш керак?
Товуқ гўштини қовурманг, пиширинг. Тухум, салат барги ва қаттиқ пишлоқ қўшилган салат ажойиб таъмга эга бўлади. Бундан ташқари, товуқ гўштини мол гўшти билан алмаштиришингиз мумкин.
Мавзуга доир:
Изоҳ (0)