Лавлаги, пишлоқ ва тухум қўшиб хуштаъм салат тайёрлаймиз

Осон тайёрланадиган лавлагили салат мазали таъмга эга. Уни ўзингизга ёққан кўкатлар билан безатиб дастурхонга тортишингиз мумкин.

Керакли масаллиқлар:

• лавлаги — 2 дона
• тухум — 4 дона
• пишлоқ — 150 г
• саримсоқ — 1-2 донача
• туз — таъбга кўра
• майонез — таъбга кўра

1. Лавлагини бир ярим, икки соат давомида қайнатинг. Уни салқин жойга қўйиб совутинг ва тозалаб олинг.
2. Тухумни 10 дақиқа қайнатинг ва уни ҳам совутиб, тозаланг.
3. Лавлаги ва пишлоқни катта тишли қирғичдан ўтказинг. Тухумларни худди шу тарзда майдаланг ёки майда кубик шаклида тўграб олинг.
4. Саримсоқни майда тишли қирғичдан ўтказинг. Барча маҳсулотларни туз ва майонез билан аралаштиринг. Салатни дастурхонга тортишдан олдин ўзингизга ёққан кўкатлар билан безатинг.

Мавзуга доир:

• Товуқ гўштли, олмали: Оливье салатининг 4 хил ноодатий рецепти.
• Ясмиқ қўшиб туркча қовоқли шўрва тайёрлаймиз.
• Танадаги ёғларни эритишга ёрдам берадиган 4 хил мазали шўрва рецепти.
• Мол гўшти ва картошкадан мазали таом тайёрлаймиз.