Мол гўшти, нўхат ва сабзи қўшиб тайёрланадиган мазали салат рецепти

Мол гўшти, сабзи, нўхат қўшиб тайёрланадиган салат мазали таъмга эга. Тузланган пиёз ва кўкатлар уни янада хуштаъм қилади.

Керакли масаллиқлар:

• мол гўшти — 300 г
• тухум — 4-5 дона
• пиёз — 1 дона
• сув — 2 қошиқ
• олма сиркаси — 2 қошиқ
• консерваланган нўхат — 200-250 г
• майонез — таъбга кўра
• «морковча» — 200 г

1. Мол гўштини тахминан бир соат, тухумни эса 10 дақиқа давомида қайнатиб совутиб олинг.
2. Пиёзни ҳам таъбингизга кўра қалин ёки юпқа шаклда тўғраб олинг. Илиқ сувни сирка билан аралаштиринг. Унга пиёзни солинг ва аралаштириб 15 дақиқага қолдиринг. Кейин суюқликни тўкиб ташлаб сабзавотни озгина сиқиб олинг.
3. Мол гўшти ва тухумни майда бўлакларга бўлинг.
4. Тухум, мол гўшти, пиёз ва нўхатни навбат билан салат идишларга солинг. Ҳар бир маҳсулотдан кейин идишга майонез солинг.
5. Салатнинг устига «морковча» ва кўкатларни солиб безатинг.

Мавзуга доир: 

• Товуқ гўштли, олмали: Оливье салатининг 4 хил ноодатий рецепти.
• Ясмиқ қўшиб туркча қовоқли шўрва тайёрлаймиз.
• Танадаги ёғларни эритишга ёрдам берадиган 4 хил мазали шўрва рецепти.
• Мол гўшти ва картошкадан мазали таом тайёрлаймиз.