Туркия ўзининг энг кучли ядровий бўлмаган авиабомбалари — “Газап” (Ғазаб) ва “Ҳаялет” (Шарпа)ни илк бор жамоатчиликка намойиш қилди. 970 килограмм оғирликдаги бомбалар Истанбулда ўтказилган “IDЭФ–2025 халқаро мудофаа кўргазмаси”да тақдим этилди. Бу ҳақда Daily Sabah хабар берди.
Таъкидланишича, Туркия Мудофаа вазирлиги таркибидаги илмий-тадқиқот маркази томонидан ишлаб чиқилган “Газап” бир метрга 10 дан ортиқ портловчи парча тарқата олади. Бу аввалги техникаларга нисбатан 3 баробар кўпроқ вайронагарчиликка олиб келади. “Газап” Ф-16 қирувчи самолётларидан ташлашга мўлжалланган.
“Бомбанинг зарба кучи ва портлаш самарадорлиги оширилди. Техниканинг сертификатлаш ишлари ҳам тугатилиб, фойдаланишга шай ҳолатда”, деди расмийлар.
Шунингдек, кўргазмада яна бир оғир бомба — НЕБ-2 “Ҳаялет” ҳам намойиш этилди. Унинг ҳам оғирлиги 970 килограмм бўлиб, ерости иншоотлари, айниқса бетонли бункерларга қарши курашиш учун мўлжалланган.
“Оддий АҚШ техникалари 2,4 метрли стандарт бетонни тешиб ўтади. ъҲаялетъ эса 7 метр чуқурликдаги, 3 баробар мустаҳкамроқ бетонни ҳам ёриб киради”, дея изоҳ берилди.
Синов доирасида НЕБ-2 бомбаси оролга ташланган. Натижада у 90 метр чуқурлик ҳосил қилиб, оролда ер кўчкиларига, газ сизиб чиқишига ва катта тошларнинг парчаланишига олиб келган. Портлаш жараёни одатда 25 миллисония давом этади. “Ҳаялет”да бу вақт 240 миллисонияга чўзилиб, портлаш кучини янада оширишга эришилган.
Изоҳ (0)