Мазали нонушта: 15 дақиқада тайёр бўладиган французча егулик рецепти

Агар кундалик оилавий рационингизни ўзгартиришни режалаштираётган бўлсангиз, нонушта учун мазали француз тости бу борада яхши танлов бўла олади. Атиги 10-15 дақиқада тайёр бўладиган ширинликка ўзингизга ёққан меваларни қўшишингиз мумкин.

• 6 та буғдой унидан тайёрланган нон бўлаги 
• сут — 2-3 стакан
• тухум — 2 та
• сариёғ — 1 қошиқ
• ванилин — 1 қошиқ
• майдаланган долчин — 1 қошиқ
• туз — таъбга кўра

1. Чуқур идишда миксер ёки блендер ёрдамида сут, тухум, ванилин, долчин ва тузни кўпиртиринг.
2. Катта товага сариёғ солинг ва уни ўртача оловда қиздиринг.
3. Ҳар бир нон бўлагини тухумга ботириб олинг. Уни товага солиб қизаргунга қадар ҳар томонини қовуриб олинг.
4. Ширинликка мураббо, асал, ерёнғоқ, кокос қириндиси, резавор мевалар ёки бошқа ўзингизга ёққан маҳсулотларни қўшиб, дастурхонга тортишингиз мумкин.

Ёқимли иштаҳа!

Мавзуга доир:

• Ясмиқ қўшиб туркча қовоқли шўрва тайёрлаймиз.
• Танадаги ёғларни эритишга ёрдам берадиган 4 хил мазали шўрва рецепти.
• Мол гўшти ва картошкадан мазали таом тайёрлаймиз.
• Колбаса, пишлоқ ва помидор қўшиб печда пишириладиган мазали лаваш рецепти.