Бугун,

  • USD 11095.31
  • RUB 173.84
  • EUR 10772.44

Испания ҳукумати кичик ва ўрта бизнес компаниялари ходимлари учун иш ҳафтасини қисқартириш бўйича тажриба лойиҳасини ишга туширди, деб хабар бермоқда Deutsche Welle.

Фото: Elements envato

Фото: Elements envato

Бунда компаниялар ихтиёрий равишда ходимларнинг чорак қисми учун иш вақтини камида 10 фоизга қисқартириши керак бўлади. Лойиҳа учун жами 10 миллион евро ажратилган – агар фирмаларда қўшимча харажатлар юзага келса, давлат уларни қоплашга тайёр. Тажриба муваффақиятли ўтган тақдирда, у бутун мамлакат бўйлаб жорий этилиши мумкин.

Испаниянинг йирик Телефóниcа концерни тажрибадан олдин ҳам ўз ходимларига иш ҳақини 12 фоизга қисқартириш билан тўрт кунлик иш ҳафтасига ўтишни таклиф қилган. Испаниянинг яна бир концерни, дастурий таъминот ишлаб чиқарувчи Эл Сол 2021 йилда доимги маошни сақлаб қолган ҳолда тўрт кунлик иш ҳафтасига ўтиш компания самарадорлигини оширгани, ходимларнинг меҳнат унумдорлиги ошгани ва компания мижозлари хурсанд бўлгани ҳақида маълум қилганди.

Шунга ўхшаш лойиҳалар аллақачон турли мамлакатларда бошланган: Японияда Microsoft жума кунини 2300 нафар ходими учун дам олиш куни қилиб белгилаган ва бу уларнинг меҳнат унумдорлигини 40 фоизга оширган.

Янги Зеландияда Perpetual Guardian кўчмас мулк компанияси тўрт кунлик иш ҳафтасига ўтди, шундан сўнг унинг хўжайини компания бундан азият чекмаётганини, аксинча, фақат гуллаб-яшнаётганини айтди.

Аммо баъзи бошқа мамлакатларда фирмалар қисқартирилган иш вақтини қоплаш учун янги ходимларни ёллашга мажбур бўлди. Германияда тўрт кунлик иш ҳафтасининг жорий этилишига ҳали ҳам скептик қаралмоқда.

Изоҳ
Асосий янгиликлар
Дунё
Туркия ва Суриядаги зилзилада ҳалок бўлганлар сони 9 мингдан ошди
Маҳаллий
Шавкат Мирзиёев Тошкент ерусти метросининг қурилиш ишлари билан танишди 
Маҳаллий
Мудофаа вазирлигида қатор тайинловлар амалга оширилди