Бугун,

  • USD 11095.31
  • RUB 173.84
  • EUR 10772.44

АҚШнинг Мексика билан чегарадаги Эл-Пасо шаҳри мери юзлаб муҳожирлар совуқ ҳавода кўчаларда ухлаётгани ва ҳар куни минглаб одамлар қўлга олинаётганини айтиб, 17 декабрь куни фавқулодда ҳолат эълон қилди. Бу ҳақда The Texas Tribune хабар бермоқда.

Фото: The Texas Tribune

Фото: The Texas Tribune

Мер ва демократ Оскар Лизернинг айтишича, фавқулодда ҳолат эълон муносабати билан шаҳар расмийлари Мексика чегарасини кесиб ўтган муҳожирларга бошпана ва зарур ресурслар бериш имкониятига эга бўлади. «Биз одамларга ҳурмат билан муносабат кўрсатилишига ишонч ҳосил қилишни истадик. Ҳамма хавфсиз эканига ишонч ҳосил қилишни хоҳлаймиз», — деди Лизер журналистларга.

Шаҳарда фавқулодда ҳолат режими коронавирус пандемияси даврида чиқарилган 42-сонли фармонга мувофиқ жорий этилган. Фавқулодда ҳолат Эл-Пасо ҳукуматига муҳожирлар оқимини чеклаш ва уларни тунаш жойлари билан таъминлаш учун қўшимча механизмларни ишга тушириш имконини беради. Хусусан, фавқулодда ҳолат шаҳарга давлат бюджетидан қўшимча маблағ олишга рухсат беради.

Об-ҳаво маълумотларига кўра, Эл-Пасо жойлашган Техас жанубига яқин ҳафталарда тунги аёз келишни бошлайди. Фавқулодда ҳолат 24 декабргача амал қилади ва агар керак бўлса, яна узайтирилади.

Қўшма Штатлар мунтазам равишда Мексикадан келувчи муҳожирлар оқимига дуч келади. 2018 йилда президент Дональд Трамп даврида икки давлат чегарасида девор қуришга қарор қилинганди. Кейинроқ Аризона штатининг республикачи губернатори Дуг Дюси Жо Байден ҳокимиятга келганида миллиардлаб долларлик иш ниҳоясига етмай қолганини ва деворнинг чала қисми муҳожирларнинг АҚШга ноқонуний ўтишини осонлаштираётганини айтган.

Изоҳ
Асосий янгиликлар
Маҳаллий
Абдулла Арипов Шинжон-Уйғур автоном райони партия котиби билан учрашди
Туркманистон
Туркманистон Арқадағ шаҳри лойиҳасини БМТ Бош ассамблеясида тақдим этади
Дунё
Франция президентини ижтимоий тармоқда ҳақорат қилган аёл ҳибсга олинди