Россия Украинанинг қатор ҳудудларига 16 декабрь куни 76 та ракета учирди, уларнинг 40 га яқини Киевни нишонга олган. Бу ҳақда Киев шаҳар ҳарбий бошқармаси хабар берди.
Маълум қилинишича, бу урушдан кейин Киевга қилинган энг йирик ҳужумлардан бири саналади. Россиянинг 40 та ракетасидан 37 таси Украина Ҳаво ҳужумидан мудофаа кучлари (АDD) томонидан уриб туширилган.
«Вайрон бўлган бинолар ва қурбонлар ҳақида маълумот аниқланмоқда. Днепр вилоятида бир киши жароҳат олган ва унга тиббий ёрдам кўрсатилган», дейилади хабарда.
Днепропетровск вилояти осмонида Россиянинг 10 та снаряди уриб туширилган. Житомир вилоятига иккита ракета учирилган, улардан бири ҳаво мудофааси томондан йўқ қилинган. Винница вилояти осмонида 6 та Х-101 ва Х-555 ракеталари йўқ қилинган. Херсон ва Николаев вилоятларида эса 5 та рус «Калибр» ракеталари уриб туширилган.
Украина Қуролли кучлари Россия 60 дан ортиқ ракета учиргани ҳақида хабар берган. Ҳужумда Х-555, Х-101 ва Калибр қанотли ракеталардан фойдаланилган.
Мавзуга доир:
Изоҳ (0)