Беларусь президенти Александр Лукашенко Беларусь ҳеч қачон Россиянинг душмани бўлмаслигини айтди. Бу ҳақда президент матбуот хизмати хабар берди.
Лукашенконинг сўзларига кўра, у буни Россия раҳбари Владимир Путиннинг позициясини билган ҳолда, хотиржамлик билан айтмоқда.
«Ҳеч қачон Россияга душман бўлмаймиз. Бу бизга энг яқин давлат, энг яқин халқ. Суверен ва мустақил давлат сифатида Россия билан биргамиз», — дейди у.
Лукашенко президентлар ҳамфикр бўлиб, ҳаракатлар режасини белгилаб, 28 та дастурни имзолагани ва уларнинг бирортаси ҳам республика суверенитети ва мустақиллигига дахл қилмаслигини таъкидлади.
Сиёсатчи 19 декабрь куни Минскда Путин билан музокаралар чоғида нималарни муҳокама қилишини ҳам очиқлади, жумладан, у стратегик, иқтисодий соҳадаги масалаларни ўз ичига олади.
«Санкциялар эълон қилиниб, вазиятдан чиқиш йўлини излашимиз керак бўлганда, улар Беларусь танлади. Бу юқори технологияли мамлакат, у бугунги кунда ҳаёт учун зарур бўлган ҳамма нарсани ишлаб чиқаради. Хоҳ бу икки ёки уч ой ичида бўлсин, хоҳ олти ойда», — дейди у.
24 ноябрь куни Европарламент резолюция қабул қилиб, унда Беларусь президенти Александр Лукашенко режими Украинага қарши урушда Россия билан бир хил жавобгар экани келтириб ўтилди. Шу учун халқаро трибунал ва халқаро жиноий суд олдида жавоб бериши кераклиги қайд этилган. Европарламент депутатлари ЕИ давлатлари ва Еврокомиссияни Беларусга ҳам Россияга қарши санкцияларни қўллашга чақирган.
Мавзуга доир: Лукашенко Россия ва Беларусга ҳужум уюштирилган тақдирда «Европани титратадиган» жавоб ваъда қилди
Изоҳ (0)