Ўзбекистон 2022 йилда Green Card лотереяси ғолиблари учун тасдиқланган визалар сони бўйича дунёда учинчи давлат бўлди. Бу ҳақда АҚШнинг Тошкентдаги элчихонаси хабар берди.
Маълум қилинишича, 2021 йилда Тошкентдаги АҚШ элчихонасининг консуллик болими Diversity Visa (Green Card) дастури орқали энг кўп сонли иммиграцион визаларни тақдим этиш бўйича бешинчи ўринни эгаллаган. Ҳар йили лотереяда бутун дунё учун 50 000 та визалар ўйналади.
Green Card ўзи нима ва нега ҳамма уни қўлга киритишни хоҳлайди?
Грин-карта ҳеч қандай тўсиқларсиз мамлакатни тарк этиш ва қайтиб келиш, ишлаш, кўчмас мулкка эгалик қилиш, маҳаллий банкларда манфаатлироқ кредитларни олиш, олий таълим муассасаларида чегирмалар билан ўқиш ва АҚШ фуқаролари учун мўлжалланган стипендияларга даъвогарлик қилиш, баъзи турдаги қуролли кучларда хизмат қилиш ҳамда Америка фуқаролари учун бошқа имтиёз ва нафақалардан фойдаланиш имконини беради.Грин-карта одатда 10 йилга берилади, унга эга бўлгандан сўнг 5 йил ўтгач, АҚШ фуқаролигини олиш учун ариза бериш мумкин.
Изоҳ (0)