Бирлашган Араб Амирликлари (БАА) мусулмон бўлмаган фуқароларнинг шахсий мақоми тўғрисида янги қонун чиқарди. Бу ҳақда Al-Arabia хабар берди.
Янги қонун 2023 йил 1 февралдан кучга киради, у мамлакатнинг қонунчилик тизимини ривожлантириш, бағрикенглик, демографик хилма-хиллик учун давлат сифатидаги етакчиликни мустаҳкамлашга қаратилган саъй-ҳаракатларнинг бир қисмидир.
Қонунда никоҳ тузиш шартлари ва ҳужжатлаштириш ишларини ваколатли судлар тартибга солиши белгиланган. Бундан ташқари мазкур қонун ажралиш, мерос, васиятномалар ва оталикни тасдиқловчи ҳужжатларга нисбатан қўлланилади,
«Ушбу қонунга кўра, аёлларга гувоҳлик бериш, мерос олиш, ажрашиш учун ариза бериш ва 18 ёшга тўлгунга қадар болаларга биргаликда васийлик қилишда тенг ҳуқуқлар берилган. Болалар ота-оналари ўртасида танлов қилиш ҳуқуқига эга бўлади. Бу аёлларнинг суддаги кўрсатуви эркакларники билан тенг бўлишини англатади» дейилади хабарда.
Қонунда ажралиб турадиган баъзи ўзгаришлар ҳижрий тақвим ўрнига Григорийнинг қабул қилинишидир. Шунингдек, эндиликда алимент тўлаш бир неча омиллар, жумладан, турмуш қурган йил, ҳар иккала турмуш ўртоғининг моддий аҳволи, ажралиш учун эрнинг жавобгарлиги даражасига қараб ҳисоблаб чиқилади ва қарор қабул қилинади.
Маълумот ўрнида, Қатар ва саудияликларнинг ярмидан кўпи ўз қариндошларига турмушга чиқади. БААда улуш бундан ҳам юқори. Шундай қилиш оила ичидаги қариндошлик тармоқларини ва мулкни маҳкам ушлаб туради. Консерватив уй хўжаликларидаги қизларга ўз оиласидан ташқарида ўғил болалар билан бирга юришга йўл қўйилмаслиги мумкин.
Изоҳ (0)