Германия канцлери Олаф Шольц Россия президенти Владимир Путиннинг урушдан кўзлаган мақсади ҳақида гапирди. Бу ҳақда «Европейская правда» хабар берди.
Канцлер Путин билан Украинадаги урушни бир неча бор телефон орқали муҳокама қилгани, уларнинг сўнгги суҳбати бир соат давом этгани ва 2 декабрь куни бўлиб ўтганини айтди. Сиёсатчи Путиннинг позицияси ўзгаришсиз қолаётганини қўшимча қилди.
«Мен ҳар гал Путин билан гаплашсам, у жуда аниқ ниманидир забт этиш ҳақида гапиради. У Украина ҳудудининг бир қисмини куч билан эгаллаб олмоқчи, холос», — дейди Шольц.
Шу билан бирга, у Россия армиясидаги йўқотишлар Путинни тўхтата олмаслигини қайд этди.
«Биз қанча россиялик ҳарбий ҳалок бўлганини аниқ билмаймиз. Лекин бу сон 100 мингни ташкил қилиши мумкин», — дейди канцлер.
Унинг таъкидлашича, Россия раҳбарияти аввал ҳам, масалан, Сурия ёки Чеченистонда «бутун бир мамлакатни ер юзидан қириб ташлаган»да қўпол ёндашувни қўллаган.
Олаф Шольц барча келишмовчиликларга қарамай, Украина билан боғлиқ ўзгаришлар бор-йўқлигини текшириш учун Путин билан гаплашиши кераклигини хулоса қилган.
Мавзуга доир: «Украина урушининг кучайишига тайёр бўлиш керак» — Германия канцлери
Изоҳ (0)