Россия ташқи ишлар вазири Қозоғистон ва Ўзбекистон билан «газ иттифоқи»ни яратиш ғоясида ҳеч қандай геосиёсий ўйин йўқлигини маълум қилди. Бу ҳақда «РИА Новости» хабар берди.
«Ҳозирда Россия, Қозоғистон ва Ўзбекистон ўртасида уч томонлама газ лойиҳасини шакллантириш ташаббуси муҳокама қилинмоқда. Таҳлилчилар, айниқса Ғарбда, бу қандайдир сиёсий ёки геосиёсий ‘ўйин’ экани айтди. Бу ерда ҳеч қандай ‘ўйин‘ йўқ», — деди Лавров.
Сиёсатчининг таъкидлашича, Россия, Қозоғистон ва Ўзбекистон умумий газ узатиш тизимига эга қўшни давлатлар бўлиб, улар мавсумий истеъмолнинг энг юқори чўққиларини ҳисобга олган ҳолда газ таъминотида узилишлар бўлмаслигидан манфаатдор.
«Куни кеча Ўзбекистонда тўсатдан электр энергияси танқислиги юзага келгани ҳақидаги хабарни ўқидим. Бу сиёсийлаштирмасдан, мафкуравийликка йўл қўймасдан, амалий масалаларни фуқароларимиз манфаати йўлида ҳал этишда бизнинг афзалликларимиздан фойдаланиш кераклигига аниқ бир мисол», — дея қўшимча қилди у.
Мавзуга доир: «Ўзбекистон ва Россия ўртасидаги газ келишувида сиёсий шартлар йўқ» — Песков вазир Мирзамаҳмудовнинг сўзларини тасдиқлади
Изоҳ (0)