Ғарбнинг Россия нефтига қарши санкциялари кучга кирди

5 декабрь куни Россия нефтини Европа Иттифоқи мамлакатларига денгиз орқали етказиб беришга эмбарго кучга кирди. Бугундан Европа Иттифоқи, G7 ва Австралия томонидан жорий қилинган Россия нефть нархи учун юқори чегара ҳам ишлай бошлайди. Бу ҳақда «Коммерсантъ» хабар бермоқда.

Украинада уруш бошланишидан олдин, Европа Иттифоқи мамлакатлари денгиз орқали 85 фоиз нефтни Россиядан импорт қилган.

Эндиликда Россия экспорти бошқа бозорларга йўналтирилмоқда — Хитой ва Ҳиндистон энг катта харидорлардир.

Май ойи охирида Европа Иттифоқида Россия нефтига эмбарго жорий этиш келишиб олинган эди. Истисно Болгария учун амал қилади. Санкциялар, шунингдек, Дружба қувури орқали хом ашё етказиб беришни ҳам ўз ичига олмаган.

Санкциялар, шунингдек, Россиядан учинчи мамлакатларга нефть етказиб бериш учун танкерларнинг суғуртасини тақиқлашни назарда тутади. 2023 йил 5 февралдан нефть маҳсулотларини харид қилиш ҳам тақиқланиши кутилмоқда.

Европа Иттифоқи, G7 ва Австралия 3 декабрь куни Россия нефти нархининг юқори чегараси параметрлари бўйича келишиб олди.

Элчилар ҳозиргина денгиз орқали ташиладиган Россия нефтининг нархини чеклаш бўйича келишувга эришди. Ёзма тартиб амалга оширилади, қарор ЕИнинг расмий журналида эълон қилинганидан сўнг кучга киради, — дейилади Чехиянинг ЕИ Кенгашидаги раислиги Twitter’да.

АҚШ ғазначилиги 1 декабрдан бошлаб Россия нефтининг нархи бир баррель учун 60 доллар этиб белгиланишини маълум қилганди.

Politico нашрининг ёзишича, Польша юқори чегарани бир баррель учун 30 доллар қилиб белгиламоқчи эди.