АҚШ Украинага энергия тизимини тиклаши учун маблағ ажратади
АҚШ ҳукумати Украинага Россиянинг йирик ҳужумлари оқибатида шикастланган энергетика тизимини тиклаш учун 53 миллион доллар ажратади. Бу ҳақда АҚШ Давлат департаменти маълумотларига таяниб CNN хабар бермоқда.
Маблағлар Украина давлатининг энергетика секторини фавқулодда қўллаб-қувватлаш учун қўшимча равишда берилади ва электр тармоғини тиклаш учун зарур бўлган асбоб-ускуналарни сотиб олишга сарфланади.
АҚШ Давлат департаментининг қўшимча қилишича, ёрдам пакети транспорт воситалари, трансформаторлар, ажратгичлар, кучланишдан ҳимояловчилар, автоматик ўчиргичлар ва бошқа муҳим жиҳозларни ўз ичига олади. Ускуналар имкон қадар тезроқ Украинага етказилиши керак.
Россиянинг ҳужумлари оқибатида Украинда кўплаб ҳудудларда электр таъминотида фавқулодда узилишлар юз берди, сув таъминоти ва иситиш билан боғлиқ муаммолар юзага келди.
29 ноябрь куни «Укрэнерго» мамлакатда электр энергияси тақчиллиги 30 фоизга етгани ҳақида хабар берди.
Мавзуга дори:
- Фото: Зарбалардан кейин чироқсиз қолган Украинанинг коинотдан кўриниши
- Киев мери: Шаҳарнинг 70 фоизи электрсиз қолмоқда
