Япония банки 16 йилдан ортиқ вақт ичида биринчи марта (2006 йил мартдан бери) ўзининг давлат облигациялари тўпламида баланс йўқотилишини қайд этди. Бу ҳақда «Интерфакс» хабар бермоқда.
Мамлакат Марказий банки маълумотларига кўра, сентябрь ойи охирида давлатнинг қимматли қоғозларини сақлашдан кўрган зарари 874,9 миллиард иенани (6,29 миллиард доллар) ташкил этган бўлса, март ойи охиридаги фойда 4,373 трлн иена бўлган.
Бу ўзгаришлар облигациялар даромадининг кескин ошиши билан боғлиқ, — деб қайд этади MarketWatch.
Сентябрь ойида 10 йиллик давлат облигацияларининг даромадлилиги йилига 0,25 фоизгача кўтарилди. Бу Япония банки томонидан энг баланд чегара сифатида белгиланган даража ҳисобланади.
Аввалроқ Япония банки 2023 йилда рақамли иенани амалий синовдан ўтказишни бошлаши ҳақида хабар берилганди.
Маълумотларга кўра, Япония миллий рақамли валютасини икки йиллик синовдан ўтказишда фойдаланувчилар омонатлардан фойдаланиши мумкинлигига ишонч ҳосил қилиш ниятида. Тизимнинг ўзи эса интернет алоқаси бўлмаган тақдирда ҳам ишлайверади.
Бироқ Yomiuri газетасига кўра, тест синовлари давомида алоҳида компаниялар ва жисмоний шахслар рақамли иенани амалда синаб кўриши кутилмоқда.
Тахминларга кўра, тестнинг ушбу сўнгги босқичи якунлангандан сўнг, 2026 йилда иқтисодиётга рақамли иенани жорий этиш тўғрисида қарор қабул қилиниши мумкин.
Бунгача 2021 йилда ва жорий йилда мутахассислар рақамли валютани чиқариш ва муомалага киритиш билан боғлиқ функцияларни синаб кўришган.
Изоҳ (0)