AQSH hukumati Ukrainaga Rossiyaning yirik hujumlari oqibatida shikastlangan energetika tizimini tiklash uchun 53 million dollar ajratadi. Bu haqda AQSH Davlat departamenti ma’lumotlariga tayanib CNN xabar bermoqda.
Mablag‘lar Ukraina davlatining energetika sektorini favqulodda qo‘llab-quvvatlash uchun qo‘shimcha ravishda beriladi va elektr tarmog‘ini tiklash uchun zarur bo‘lgan asbob-uskunalarni sotib olishga sarflanadi.
AQSH Davlat departamentining qo‘shimcha qilishicha, yordam paketi transport vositalari, transformatorlar, ajratgichlar, kuchlanishdan himoyalovchilar, avtomatik o‘chirgichlar va boshqa muhim jihozlarni o‘z ichiga oladi. Uskunalar imkon qadar tezroq Ukrainaga yetkazilishi kerak.
Rossiyaning hujumlari oqibatida Ukrainda ko‘plab hududlarda elektr ta’minotida favqulodda uzilishlar yuz berdi, suv ta’minoti va isitish bilan bog‘liq muammolar yuzaga keldi.
29-noyabr kuni “Ukrenergo” mamlakatda elektr energiyasi taqchilligi 30 foizga yetgani haqida xabar berdi.
Mavzuga dori:
Izoh (0)