Тошкент шаҳри Юнусобод туманида янги қад кўтарган ва замон талабларига мос жиҳозланган Ёшлар инновацион маскани ва Болалар психологияси маркази биноси фойдаланишга топширилди.
Янги бинонинг очилиш маросимига бағишланган тадбирда бош вазир ўринбосари З.Маҳкамова, Миллий гвардия қўмондони Р. Жураев, Сенат аъзоси, маданият, спорт ва ёшлар масалалари бўйича қўмита раисининг ўринбосари Д.Тошмуҳаммедова, Соғлиқни сақлаш вазири ўринбосари Э.Боситхонова, бола ҳуқуқлари бўйича вакил (омбудсман) А.Юнусова, Тошкент шаҳри ҳокимининг жамоатчилик, маҳалла ва нуронийлар масалалари бўйича маслаҳатчиси Р.Колонов, Юнусобод тумани ҳокими Б.Абдувалиев, халқ таълими вазири ўринбосари V.Ражабов, муассаса раҳбари ва мутахассис ходимлари, шунингдек, жамоатчилик вакиллари иштирок этди.
Ташриф буюрган меҳмонлар бинонинг расмий очилиш маросимидан сўнг биринчи қаватда жойлашган Ёшлар инновацион масканидаги дастурлаш, аэро-моделлаштириш ва робототехника йўналишлари бўйича замон талабларига мос жиҳозланган ўқув синф хоналари билан, ундан сўнг иккинчи қаватда жойлашган Болалар психологияси маркази таркибидаги болалар психологияси, арттерапия, гешталт терапия, ёга ва хореография бўйича машғулотлар ўтказиш учун барча шароитлар яратилган хоналар билан яқиндан танишди.
Тадбир мобайнида ушбу маскан барпо этилишида яқиндан кўмакдош бўлган бир қатор мутасаддилар Миллий гвардия қўмондонининг буйруғи билан «Маънавият аълочиси» кўкрак нишони, эсдалик қўл соати ҳамда фахрий ёрлиқ билан тақдирланди.
Изоҳ (0)