Европа мамлакатларидаги инфляция сентябрь ойида рекордларни янгилади

Европанинг турли мамлакатларида истеъмол нархларининг ўсиш суръати сентябрь ойида ёқилғи ва озиқ-овқат маҳсулотлари нархларининг кескин ошиши туфайли кўп йиллик рекордларни янгилади. Бу ҳақда Bloomberg хабар бермоқда.

Шундай қилиб, Бельгияда ўтган ойда йиллик инфляция август ойидаги 9,9 фоиздан 11,3 фоизгача тезлашиб, 1975 йилдан буён максимал даражага етди.

Австрияда ҳам инфляция 1975 йилдан бери рекорд даражага етди ва август ойидаги 9,2 фоиздан 10,5 фоизга кўтарилди.

Италияда истеъмол нархларининг ўсиш суръати бир ой олдинги 8,4 фоизга нисбатан сентябр ойида йиллик ҳисобда 8,9 фоизга тезлашди. Бу 1985 йилдан бери рекорддир. Италияда озиқ-овқат 11,5 фоизга, энергия 44,5 фоизга қимматлашган.

Португалия сентябр ойида 1992 йилдан бери энг юқори инфляцияни қайд этди (9,3 фоиз), Польша эса 1996 йилдан бери (17,2 фоиз).

Нархларнинг фоиз нисбатида энг сезиларли ўсиши Болтиқбўйи мамлакатларида кузатилди: Эстонияда йиллик инфляция 24,2 фоизни, Латвияда 22,4 фоизни, Литвада 22,5 фоизни ташкил этди.

Германияда Европа Иттифоқи стандартларига мослаштирилган истеъмол нархлари сентябр ойида йиллик кўрсаткичда 10,9 фоизга кўтарилиб, тарихий максимални яна бир бор янгилади.

Шу билан бирга, Францияда инфляция август ойидаги 6,6 фоиздан 6,2 фоизгача секинлашди.

Испанияда истеъмол нархлари бир ой олдин 10,5 фоизга ошганидан кейин яна 9 фоизга кўпайди.

Европа Иттифоқи статистика бошқармасининг дастлабки маълумотларига кўра, бутун Еврозонада истеъмол нархлари сентябр ойида ўтган йилнинг шу даврига нисбатан 10 фоизга ошган.

Шундай қилиб, инфляция август ойидаги 9,1 фоизга нисбатан тезлашди ва максимал даражада янгиланди.