Дунёда нефть нархи пасайишда давом этмоқда

Британиянинг ICE биржасида Brent маркасидаги нефтнинг ноябрь фьючерслари бир баррели учун 89,6 доллардан сотилмоқда.Бу ҳақда «Коммерсантъ» хабар бермоқда.

Бугун, 30-сентябр куни фьючерс қийматининг максимал пасайиши баррель учун 87,89 доллар этиб қайд этилди, бу аввалги сессия ёпилишидаги нархдан 0,6 долларга кам.

Brent фьючерслари нархининг босқичма-босқич пасайиши июнь ойи бошидан буён кузатилмоқда, ўшанда у бир баррель учун 116,18 долларни ташкил қилган.

Американинг West Texas Intermediate (WTI) бренди нефти, аксинча, ўртача ўсишни кўрсатмоқда: ҳозир WTI нефть фьючерслари 82,23 доллардан сотилмоқда, бу кечаги умумий кўрсаткичдан 1,18 фоизга юқори.

Худди шундай, Urals нефтининг спот нархи ҳам баррели учун 71,02 долларгача (+1,44 фоиз) ўсиб бормоқда.

Ой бошига нисбатан Brent нархи тахминан 20 фоизга арзонлашди, 5 октябрь куни ОПЕК+ вазирларининг йиғилиши бўлиб ўтади, унинг давомида ишлаб чиқариш квотаси потенциал қисқариши кутилмоқда.

Аввалроқ Россиядан Осиёга нефть экспорти камаймаслиги ҳақида хабар берилганди.