Германияда сентябрь ойида инфляция сезиларли даражада тезлашди ва йиллик ҳисобда рекорд даражадаги 10 фоизни ташкил этди. Бу ҳақда Германия Федерал статистика бошқармасига таяниб, Bloomberg хабар берди.
Унга кўра, сентябрь ойида истеъмол нархлари 2021 йилнинг шу даврига нисбатан 10 фоизга ошади.
Август ойида Германияда инфляция йиллик ҳисобда 7,9 фоизга етди. Август ойи билан солиштирганда, сентябр ойида истеъмол нархлари 1,9 фоизга ошади, — дейилади бошқарма маълумотларида.
Шу билан бирга, Федерал статистика бошқармаси инфляцияга сезиларли таъсир кўрсатган энергия нархлари Украинада ҳарбий ҳаракатлар бошланганидан кейин кўтарилганини таъкидлади.
Масалан, 2022 йил сентябрь ойида энергия нархи ўтган йилнинг шу ойига нисбатан 43,9 фоизга ошган.
Озиқ-овқат маҳсулотлари ҳам 18,7 фоизга ошди. Бунга коронавирус пандемияси натижасида узилган етказиб бериш занжирлари таъсири қўшилади. Сентябрь учун якуний инфляция маълумотлари 13 октябрда эълон қилинади.
Изоҳ (0)