Yevropaning turli mamlakatlarida iste’mol narxlarining o‘sish sur’ati sentabr oyida yoqilg‘i va oziq-ovqat mahsulotlari narxlarining keskin oshishi tufayli ko‘p yillik rekordlarni yangiladi. Bu haqda Bloomberg xabar bermoqda.
Shunday qilib, Belgiyada o‘tgan oyda yillik inflyatsiya avgust oyidagi 9,9 foizdan 11,3 foizgacha tezlashib, 1975-yildan buyon maksimal darajaga yetdi.
Avstriyada ham inflyatsiya 1975-yildan beri rekord darajaga yetdi va avgust oyidagi 9,2 foizdan 10,5 foizga ko‘tarildi.
Italiyada iste’mol narxlarining o‘sish sur’ati bir oy oldingi 8,4 foizga nisbatan sentyabr oyida yillik hisobda 8,9 foizga tezlashdi. Bu 1985-yildan beri rekorddir. Italiyada oziq-ovqat 11,5 foizga, energiya 44,5 foizga qimmatlashgan.
Portugaliya sentyabr oyida 1992-yildan beri eng yuqori inflyatsiyani qayd etdi (9,3 foiz), Polsha esa 1996-yildan beri (17,2 foiz).
Narxlarning foiz nisbatida eng sezilarli o‘sishi Boltiqbo‘yi mamlakatlarida kuzatildi: Estoniyada yillik inflyatsiya 24,2 foizni, Latviyada 22,4 foizni, Litvada 22,5 foizni tashkil etdi.
Germaniyada Yevropa Ittifoqi standartlariga moslashtirilgan iste’mol narxlari sentyabr oyida yillik ko‘rsatkichda 10,9 foizga ko‘tarilib, tarixiy maksimalni yana bir bor yangiladi.
Shu bilan birga, Fransiyada inflyatsiya avgust oyidagi 6,6 foizdan 6,2 foizgacha sekinlashdi.
Ispaniyada iste’mol narxlari bir oy oldin 10,5 foizga oshganidan keyin yana 9 foizga ko‘paydi.
Yevropa Ittifoqi statistika boshqarmasining dastlabki ma’lumotlariga ko‘ra, butun Yevrozonada iste’mol narxlari sentyabr oyida o‘tgan yilning shu davriga nisbatan 10 foizga oshgan.
Shunday qilib, inflyatsiya avgust oyidagi 9,1 foizga nisbatan tezlashdi va maksimal darajada yangilandi.
Izoh (0)