АҚШ президенти Жо Байден маъмурияти Россияга нисбатан қўшимча санкциялар жорий этишни режалаштирмоқда. Бу ҳақда The Wall Street Journal хабар берди.
Нашрнинг ёзишича, чекловлар Россиянинг МИР тўлов тизими, шунингдек, Миллий клиринг маркази ва Миллий ҳисоб-китоб депозитарийсига (НСД) таъсир қилади.
АҚШ Россия улардан Ғарб санкцияларидан қочиш учун фойдаланмоқда, деб ҳисоблайди.
WSJ маълумотларига кўра, АҚШ ҳукумати SWIFT халқаро тўлов тизимидан узилган Россия банклари рўйхатини кенгайтиришни кўриб чиқмоқда.
Шунингдек, қатор товарларга экспорт назоратини кучайтириш ва Россия давлат компанияларига нисбатан янги санкциялар жорий этиш режалаштирилмоқда.
Бундан ташқари, Еврокомиссия яқин келажакда Россияга импорт ва экспортни назорат қилиш бўйича янги чора-тадбирларни, жумладан, олмосларини олиб киришни тақиқлашни таклиф қилмоқчи эканлигини таъкидлади.
Аввалроқ Ўзбекистонда UzCard МИР тўлов тизими карталарига хизмат кўрсатишни тўхтатгани ҳақида хабар берилганди.
UzCard тўлов тизими иштирокчиси томонидан амалга оширилаётган зарур техник сабабларга кўра, 2022 йил 23 сентябрь соат 09:00 дан бошлаб МИР карталарига хизмат кўрсатишни тўхтатади.
АҚШ МИР карталари туфайли хорижий банклар учун санкциялар хавфини эълон қилган.
Бунинг ортидан Туркиянинг иккита йирик банки МИР карталари билан операцияларни тўхтатган эди.
Кейинчалик Қозоғистон ва Вьетнам банклари ҳам МИР карталарига хизмат кўрсатмаслигини маълум қилган.
Изоҳ (0)