Европа Иттифоқи (ЕИ) янги санкциялар пакети доирасида Россия нефтига нархларнинг юқори чегарасини жорий қилишни режалаштирмоқда. Бу ҳақда Politico хабар бермоқда.
Маълумотларга кўра, бир қатор санкцияларни юмшатиш, хусусан, Россия ўғитлари, цемент ва бошқа маҳсулотларни ташишга қўйилган тақиқни бекор қилиш масаласи кўриб чиқилмоқда.
Европа Иттифоқи элчилари бугун, 28 сентябрь куни Еврокомиссия билан янги чекловларни муҳокама қилади.
Украина янги санкциялар пакети Россия гази ва атом саноатига эмбаргони ҳам ўз ичига олишини таъкидламоқда.
Европа Иттифоқи ва АҚШ 5 декабргача, Европа Иттифоқи эмбаргоси кучга киргунга қадар Россия нефти нархини чеклаш механизмини жорий этишга умид қилмоқда.
Июль ойида Россия ва Украина Туркия ва БМТ кўмагида «маҳсулот шартномаси» тузган.
Бу Украина донини экспорт қилиш, Россия ўғитлари ва озиқ-овқат маҳсулотларини жаҳон бозорларига олиб чиқиш бўйича келишувларни ўз ичига олади.
Изоҳ (0)