Европа тикланиш ва тараққиёт банки (EТТБ) Украина иқтисодиётининг 2023 йилда ўсиш прогнозини аввал кутилган 25 фоиздан 8 фоизга туширди. Бу ҳақда «Дарё»га банкнинг янгиланган прогнозидан маълум бўлди.
2023 йил учун EТТБ Украина иқтисодий тикланиш прогнозини май ойида кўзда тутилган юқори 25 фоиздан 8 фоизга туширди, ўшанда жиддий тикланиш ишлари олиб борилиши кутилган эди.
Рейтингнинг пасайиши келажакка оид ноаниқлик Украинанинг иқтисодий истиқболига қанчалик таъсир қилаётганидан далолатдир.
EТТБ таҳлилчиларига кўра, Украинадаги жанговар ҳаракатлар туфайли мамлакат ялпи ички маҳсулоти 2022 йилнинг биринчи чорагида ўтган йилнинг шу даврига нисбатан 15,1 фоизга, иккинчи чоракда эса 37,2 фоизга камайди.
Иқтисодий фаоллик ҳатто логистика муаммолари, молиявий қийинчиликлар ва ишчи кучи етишмовчилиги туфайли урушлар бўлмаган ҳудудларда ҳам жиддий равишда тўхтаб қолди, — дейилади банк хабарида.
Сентябрь ойи бошида Украина президентининг иқтисодий маслаҳатчиси Олег Устенко мамлакат ялпи ички маҳсулотининг максимал ҳажми 2021 йилда қайд этилганини айтди – тахминан 200 миллиард доллар.
Унинг сўзларига кўра, бу миқдор 2022 йилда камида 6-7 фоизга ошиши кутилган эди.
Устенконинг қўшимча қилишича, Иқтисодиёт вазирлиги Украина ялпи ички маҳсулотининг аввалги даражаси эҳтимолий тикланиши ҳарбий ҳаракатлар тўхтатилгандан кейин уч йил ичида содир бўлади, деб ҳисоблайди.
Изоҳ (0)