Ушбу таом ўртача аччиқ таъмга ва жуда хушбўй ҳидга эга. Таом пишлоқ билан бирга янада мазали таъмни ҳосил қилади. Унга ўзингиз ёқтирган кўкатларни қўшишингиз мумкин.
Керакли масаллиқлар:
- бақлажон — 1 дона
- туз — ярим қошиқ
- майдаланган зира — 1 қошиқ
- қуритиб майдаланган саримсоқ — ярим қошиқ
- қуритилган ялпиз — 2 қошиқ
- ўсимлик ёғи — 3 қошиқ
- пиёз — 1 дона
- товуқ гўшти қиймаси — 250 г
- помидор қайласи — 3-4 қошиқ
- қуритиб майдаланган қизил қалампир — ярим қошиқ ёки бир қошиқнинг учдан бир қисми
- помидор — бир неча бўлак
- пишлоқ — таъбга кўра
- Бақлажонни узунлиги бўйича ярмига бўлинг ва унинг ичини тўр шаклида, унча чуқур бўлмаган ҳолатда кесиб олинг.
- Тузни зира, саримсоқ ва ялпиз билан аралаштиринг.
- Бақлажонни идишга териб чиқинг. Ҳар бир бўлакка бир ош қошиқ ўсимлик ёғи қуйинг. Бир қошиқ туз аралашмасини бақлажоннинг устига суртинг.
- Бақлажонларни тахминан 30-40 дақиқа давомида 180 даража ҳароратда етарлича юмшоқ бўлгунга қадар пиширинг.
- Пиёзни майда бўлакларга бўлинг.
- Қолган ўсимлик ёғини товада қиздириб олинг. Пиёзни юмшоқ бўлгунча ва енгил қизаргунча бир неча дақиқа давомида қовуринг.
- Қиймани товага солинг ва аралаштириб, 3-4 дақиқа давомида қовуринг. Қийманинг катта бўлакларини қошиқ билан майда бўлакларга бўлинг.
- Қиймага помидор қайласини, қолган туз аралашмасини ва қуритиб майдаланган қизил қалампирни қўшинг. Ҳаммасини аралаштиринг ва яна 7-10 дақиқа давомида пиширинг.
- Бақлажонни печдан олинг. Қайиқ шаклидаги бақлажонларни шаклини йўқотмасдан ичини ўйиб олинг.
- Ўйиб олинган бақлажон бўлакларини майдаланг ва қийма билан аралаштиринг.
- Бақлажоннинг ичини тўлдириш учун унга қийма аралашмасини солинг. Помидорни бақлажоннинг устига қўйинг ва устига майдаланган пишлоқ сепинг.
- Бақлажон устидаги пишлоқ қизариши учун 10-15 дақиқа давомида пишириб олинг.
Мавзуга доир:
Изоҳ (0)