Гўшт ва гарнир билан биргаликда пишириладиган ушбу хуштаъм таом инсон организми учун фойдали. Таомга ўзингизга ёққан бошқа сабзавотларни ёки кўкатларни қўшишингиз мумкин.
Керакли масаллиқлар:
- мол гўшти — 500-600 г
- пиёз — 2 дона
- саримсоқ — 2-3 донача
- ўсимлик ёғи — 2 қошиқ
- томат пастаси — 1 қошиқ
- ун — 1 қошиқ
- сув — 800 мл
- туз — таъбга кўра
- мурч — таъбга кўра
- қуритилган бибария — 1 чимдим
- лавр япроғи — 1 дона
- картошка — 1 200 г
- сабзи — 1 дона
- булғор қалампири — 1-2 дона
- Гўштни ўртача катталикдаги бўлакларга, пиёзни ярмига ёки чорак қисмга бўлиб ҳалқа шаклида кесиб олинг. Саримсоқни майдаланг.
- Ўсимлик ёғини қалин четли идишда ёки қозонда ўртача ҳароратда қиздириб олинг.
- Гўштнинг ҳар томонини енгил қизаргунча қовуринг ва бошқа идишга солинг.
- Худди шу ёғда пиёзни юмшоқ бўлгунича қовуринг. Унга саримсоқ қўшинг ва ярим дақиқадан сўнг томат пастасини солинг. Масаллиқларни аралаштиринг ва яна бир ёки икки дақиқа қовуринг.
- Гўштни қозонга қайтариб солинг ва масаллиқлар билан аралаштиринг. Устига ун солиб, яна аралаштиринг ва 2-3 дақиқа пишириб олинг.
- Қозонга 500-600 мл иссиқ сув қуйинг. Қайнатгандан сўнг, туз, мурч, лавр япроғи билан бибария қўшинг, оловни бироз пасайтиринг ва бир ярим соат давомида қопқоқ ёпиб қайнатинг.
- Картошка, сабзи ва булғор қалампирни ўртача катталикдаги бўлакларга кесиб олинг. Сабзавотларни гўштга қўшинг, яна бир оз сув қуйинг ва ҳамма маҳсулотларни 30 дақиқа давомида пиширинг.
Мавзуга доир:
Изоҳ (0)