Хуштаъм қўзиқоринли лазаня рецепти

Егуликнинг печда пишириладиган қисмига ўзингизга ёққан маҳсулотларни қўшишингиз мумкин. Масалан, дудланган гўшт ёки турли хил пишлоқлардан фойдалансангиз бўлади. Айниқса, сулугуни ва моцарелла пишлоғи егуликни янада мазали қилади.

Керакли масаллиқлар:

• қўзиқорин — 400 г
• ўсимлик ёғи — таъбга кўра
• туз — таъбга кўра
• мурч — таъбга кўра
• 1о фоизли қаймоқ — 500 мл
• пишлоқ — 200 г
• лазаня учун хамир — бир неча бўлак

1. Қўзиқоринларни майда бўлакларга бўлиб олинг. Бироз ўсимлик ёғида қовуринг ва туз, мурч қўшинг.
2. Унга қаймоқ қўшиб қайнатинг ва сўнгра оловни ўчиринг.
3. Пишлоқни катта тишли қирғичдан ўтказинг.
4. Егулик пишириладиган идишнинг пастки қисмига бироз қўзиқорин соусини қуйинг. Бир қатламда бир нечта лазаня хамирларини устига териб чиқинг.
5. Хамирларнинг устидан яна қўзиқоринли соус солинг. Унинг устига қирғичдан ўтказилган пишлоқ солинг. Кейинги қатламларни ҳам хамирнинг устига соус солиб, сўнгра устига пишлоқ қўйилган тартибда қилинг.
6. Қўзиқоринли лазаняни 180 даража ҳароратда 20 дақиқа давомида пиширинг.

Мавзуга доир:

• Беш дақиқада тайёр бўладиган пишлоқли хачапури
• Бақлажондан нима тайёрлаш мумкин: Уй бекалари учун 5 хил ноодатий рецепт
• Пицца таъмли ноодатий оладе рецепти
• Бир зумда тайёрланадиган помидор ва ёнғоқли салат рецепти.