Товуқли сендвичлар жуда тўйимли ва мазали. Таомнинг устки қисми қарсиллайди ва ичи сувли бўлади. Нонушта тайёрлаётган пайтда вақтни тежаш учун товуқни бир кун олдин қовуриб қўйса ҳам бўлади. Кечки овқатдан ортиб қолган гўштни ҳам ишлатиш мумкин.
Керакли масаллиқлар:
- товуқ филеси — 500 г
- туз — таъбга кўра
- мурч — таъбга кўра
- пишлоқ — 100 г
- помидор — 1 дона
- буғдой унидан тайёрланган нон — 4 бўлак
- майонез — 1 қошиқ
- Товуқ филесини туз ва мурч билан аралаштириб олинг. Уни фольга қоғозига ўраб 180-190 даража ҳароратда 40 дақиқа давомида пиширинг.
- Товуқ филеси, пишлоқ ва помидорни майда қилиб кесиб олинг.
- Бир бўлак нонга майонез суртинг. Устидан товуқ гўшти, помидор ва пишлоқ бўлакларини теринг. Иккинчи бўлак нонни маҳсулотларнинг устига қўйинг.
- Сендвичларни махсус идишда ёки қуруқ товада қовуриб олинг.
Мавзуга доир:
Изоҳ (0)