Қийма ва қовоқчадан мазали котлетлар тайёрлаймиз

Қиймали котлетларга сабзавотлар қўшилса, янада ширали, юмшоқ ва мазали бўлади. Унга таъбингизга маъқул келадиган кўкатларни ҳам қўшишингиз мумкин.

Керакли масаллиқлар:

• ўртача катталикдаги қовоқча — 1 дона
• туз — таъбга кўра
• пиёз  — 1 дона
• қийма  — 400-450 г
• эзилган нон бўлаклари
• тухум — 1 дона
• мурч — таъбга кўра
• ўсимлик ёғи — 3 қошиқ 

1. Қовоқчани қирғичдан ўтказинг. Қовоқчага бир чой қошиқ туз қўшинг, аралаштиринг ва 5 дақиқага қолдиринг. Ортиқча сувни олиб ташлаш учун қовоқчани сиқиб олинг.
2. Пиёзни майда қилиб тўғранг.
3. Тўғралган гўштни қовоқча, пиёз, эзилган нон бўлаклари, тухум, туз, мурч билан аралаштиринг. Котлетларни думалоқ шаклга келтириб олинг.
4. Ўсимлик ёғини ўртача оловда қиздириб олинг. Котлетларни ҳар томондан бир неча дақиқа қовуринг, шунда улар яхши қовурилади.

Мавзуга доир:

• Беш дақиқада тайёр бўладиган пишлоқли хачапури
• Бақлажондан нима тайёрлаш мумкин: Уй бекалари учун 5 хил ноодатий рецепт
• Пицца таъмли ноодатий оладе рецепти
• Бир зумда тайёрланадиган помидор ва ёнғоқли салат рецепти.